ضروری سامان
- گول پیندے والی فلاسک
- تھرما میٹر والا کنڈنسر
- ریسیونگ فلاسک
- ٹرائی پوڈ سٹینڈ
- سپرٹ لیمپ / بنسن برنر
- آئرن سٹینڈ
- کارک
- کیمیائی اشیاء: الکوحل اور پانی کا آمیزہ
طریقہ کار
الکوحل اور پانی کے آمیزے کو گول پیندے والی فلاسک میں لیں۔
شکل میں دکھائی گئی تصویر کے مطابق سامان سیٹ کریں۔
صراحی کو آہستہ آہستہ گرم کریں حتی کہ درجہ حرارت 78°C تک پہنچ جائے۔
الکوحل کے بخارات کنڈنسر میں جائیں گے اور مائع میں تبدیل ہو جائیں گے۔
مائع الکوحل ریسیونگ فلاسک میں جمع ہو جائے گا۔
مشاہدات
مشاہدہ 1: 78°C پر الکوحل بخارات میں تبدیل ہونا شروع ہو جاتا ہے۔
مشاہدہ 2: الکوحل کے بخارات کنڈنسر میں ٹھنڈے ہو کر مائع میں تبدیل ہو جاتے ہیں۔
مشاہدہ 3: پانی فلاسک میں رہ جاتا ہے کیونکہ اس کا نقطہ کھولاؤ زیادہ ہے۔
نتیجہ: الکوحل اور پانی کے آمیزے میں سے الکوحل کو عمل کشید کے ذریعے الگ کر دیا گیا۔
اہم نکات
سپرٹ لیمپ کا شعلہ کم رکھیں۔
صراحی کا درجہ حرارت 80°C سے نہ بڑھنے دیں۔
کارک لگانے کے بعد صراحی کے منہ کو موم بتی سے اچھی طرح بند کریں۔
مختصر سوالات
سوال 1: عمل کشید سے کیا مراد ہے؟
جواب: وہ عمل جس میں کسی محلول کو گرم کر کے بخارات میں تبدیل کیا جاتا ہے اور پھر ان بخارات کو ٹھنڈا کر کے مائع حالت میں تبدیل کیا جاتا ہے، عمل کشید کہلاتا ہے۔
سوال 2: الکوحل کا کیمیائی فارمولا کیا ہے؟
جواب: الکوحل کا کیمیائی فارمولا C₂H₅OH ہے۔
سوال 3: کشید شدہ پانی سے کیا مراد ہے؟
جواب: ایسا پانی جو عمل کشید کے بعد حاصل ہوتا ہے، کشید شدہ پانی کہلاتا ہے۔
سوال 4: پانی کا نقطہ کھولاؤ کیا ہے؟
جواب: پانی کا نقطہ کھولاؤ 100°C ہے۔
سوال 5: عمل کشید کے دوران درجہ حرارت کیوں مستقل رہتا ہے؟
جواب: الکوحل کے ابلتے دوران مکمل حرارت دی جاتی ہے جو بخارات میں تبدیل ہونے کے لیے استعمال ہوتی ہے، اسے لیٹنٹ ہیٹ آف ویپورائزیشن کہتے ہیں، اس وجہ سے درجہ حرارت نہیں بڑھتا۔